Hodepine

04/10/2017 by Mariann Furevik

Akupunktur ved hodepine – kva tenker du?

Kundane mine spør ofte om eg trur akupunktur kan hjelpe ved migrene eller spenningshodepine. Eg kan jo ikkje påstå at det gjer det for deg, men kvifor ikkje prøve?

Sjølvsagt har eg trua på det som eg jobbar med til dagen, men det lyt nesten bli opp til deg om du har lyst å prøve eller ikkje. Det er viktig at du har vore til legen din og fått konstatert at det er er migrene eller spenningshodepine du har og at dei meir alvorlege tilstandar er utelukka.

Slik foregår ein konsultasjon hos meg reint praktisk:

Det første som skjer er at eg tar opp ein grundig journal. I tillegg til å spørre deg om sjølve hodepinen og korleis den artar seg så får du også spørsmål angåande forskjellige system i kroppen som for eksempel: fordøyelse, vannlatning, søvn, varme/kulde, humør, energinivå. Så kjenner eg på pulsen din på begge hender og eg ser på tunga di. Ut ifrå alle disse detaljane kan eg sjå eit mønster og dermed komme fram til kva eg kan foreslå for deg. Brukar du medisinar så tek eg dei med i betraktninga.

Ved migrene brukar eg som regel kun akupunktur.

Du får tynne, sterile nåler i dei akupunkturpunkta som eg har plukka ut til deg utifrå utspørringa og puls- og tunge- diagnostikk. Disse ligg du på benken med i 20 til 30 minutt og nokre av nålene beveger eg gjerne litt på innimellom.

Er du kvalm og har veldig vondt under konsultasjonen, så får du sjølvsagt ligge på behandlingsbenken under heile utspørringa også.

Ved spenningshodepine brukar eg oftast å kombinere massasje og akupunktur.

Då får du først rygg/skulder/nakkemassasje for å løyse stivhet og spenningar i muskulaturen. Deretter får du akupunktur som beskreve ovanfor etterpå. Her står nålene i ca 20 minutt.

Antal konsultasjonar varierer frå person til person, men beregn minimum 5 -6. Ved spenningshodepine vel mange deretter å ta ei behandling ein gang i månaden ei tid framover for vedlikehold.

Har du spørsmål så ta kontakt her: http://www.akupunkturogaromaterapi.no/kontakt/.

Eller bestill time her: http://www.akupunkturogaromaterapi.no/booking/

15/09/2017 by Mariann Furevik

Hodepinehelg igjen?

Fredag og helg…. jippi !! Eller…?

No kan du slappe av og ta deg inn igjen til ny veke. Kanskje du har noko og feire også? Eller blir det hodepinehelg igjen?

Som akupunktør og massør ser eg mange klientar som har fått ødelagt helgane sine med å ha hodepine. Det er ofte når du kan slappe av etter ei travel arbeidsveke, eller ei travel skuleveke at smertene set inn skikkelig. I løpet av veka har du gjerne klart å halde den på avstand ved å vere i aktivitet, men no når du kan slappe av så kjem den for fullt, spenningshodepinen.

Eit godt råd er å stå opp tidleg også i helga, i staden for å sove lenge frampå om morningen. Bevegelse i friluft er eit anna. Ut og gå tur i ulendt terreng. Då får du bevega både armar og bein og får løyst opp i muskelspenningar.

Vil du ha fleire gode råd ved hodepine så kan du få dei på mail.

30/08/2017 by Mariann Furevik

Migrene eller spennings- hodepine ?

Begge deler kan slå ein skikkelig ut, kansje i fleire dagar, og symptoma kan gå litt i kvarandre.

Likevel er det nokre symptom som skil disse. Migrene er rekna som ein nevrologisk anfallssjukdom, hodepinen kjem altså anfallsvis. Smertene sit ofte på eine sida, men ikkje alltid. Typisk er at migrenehodepine kan ha dunkande smerter, og at den forverrar seg ved aktivitet. Berre det å gå opp ei trapp kan forverre smertene. Trøtthet, kvalme og brekningar er ikkje uvanleg.

Nokre, ca 20% ifølge nevro.legehandboka.no , har det vi kallar aura. Dette er ulike sanseopplevingar som oppstår før hodepinen set inn. Det kan vere synsforstyrrelsar som lysblink, tunellsyn. Somme kan ha føleforstyrrelsar, hørsel- eller taleforstyrrelsar.

Eg kjenner ei dame som ikkje klarte å snakke når ho fekk aura. Det gikk direkte på taleevnen hennas. Omgivelsane trudde ein gang at ho hadde fått hjerneslag og fekk ho innlagt på sjukehus. Sjølv visste ho at ho berre måtte komme seg heim og legge seg, men klarte ikkje å kommunisere det. Ein fortvilande situasjon.

Det er ulike ting som kan utløse migrene, såkalte triggerar. Disse varierer frå person til person. Det kan vere visse matvarer, alkohol, lite søvn, stress, sterkt lys, høge lydar, hormonar eller andre ting. Viktig er det iallfall å bli kjent med kva som triggar din hodepine. Då kan du lettare unngå dei.

Spenningshodepine, eller “hodepine av spenningstype” (HST) kjem ofte i forbindelse med stress. Gjerne etter ein travel periode når du skal slappe av. For mange er dette eit helgefenomen. Etter ei travel veke på jobb, når ein skal slappe av og ta seg inn att til neste veke, så set hodepinen inn. Eller om ein gjennomgår stressande situasjonar i privatlivet.

Smertene er som regel trykkande/pressande og kan kjennast som eit stramt band over panna og rundt hodet. Ein vaknar gjerne ikkje med denne hodepinen om morningen, men den kjem i aukande grad utover dagen. Typisk for spenningshodepine er at smertene ikkje blir forverra ved aktivitet. Nokre kan ha smerter i muskulatur og senefeste i skuldre , nakke og bakhode. Andre kjenner seg deprimerte og kan ha angst, er på “alerten” heile tida.

Om du har spenningshodepine, så kan du også ha migrene. Det er mange som har begge deler.

Kilde: http://nevro.legehandboka.no og Nasjonal kompetansetjeneste for hodepine ved St.Olavs Hospital.

Her er nokre gratis tips du kan få om du slit med migrene eller spenningshodepine.

[magicactionbox id=530]